TaSUBa yaishukuru KOICA

Posted on: August 17th, 2018

 MTENDAJI  Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye, amelishukuru shirika la maendeleo la Korea (KOICA),  kwa kuwezesha kuleta mtaalamu wa muziki kutoka Korea Profesa Heerack Park kufundisha muziki kwa kipindi cha miaka mitatu kwa wanafunzi wa Taasisi ya Sanaa na Utamaduni Bagamoyo.

Akizungumz wakati wa hafla fupi ya kumuaga profesa Park iliyofanyika TaSUBa hivi karibuni Dkt.Makoye amesema kuwa uwepo wa profesa Park  umekuwa wa manufaa sana kwa TaSUBa kwani ameweza kuchangia maendelea ya sehemu ya muziki kwa kufundisha wanafunzi lakini pia kushiriki katika maonyesho mbalimbali ya sanaa ikiwemo tamasha la kimataifa la sanaa na utamadunio ,hivyo ameiomba  KOICA kuendelea kuleta wataalamu mbalimbali wa sanaa kutoa Korea ili kuweza kubadilishana  uzoefu na wataalamu wa TaSUBa katika maeneo mbalimbali yanayohusu sanaa.

Kwa upande wake profesa Park ameshukuru TaSUBa na watumishi wote kwa ujumla kwa namna walivyompa shirikiano katika kipindi chote cha miaka mitatu aliyokaa  TaSUBa.