Makamu wa Rais afurahishwa na Bagamoyo Players

Posted on: September 17th, 2018

MAKAMU wa Rais wa Jamhuri ya Muungano wa Tanzania Mama Samia Suluhu Hassan amefurahishwa na igizo lililofanywa na kikundi cha Sanaa cha Bagamoyo Players cha Taasisi ya sanaa na utamaduni Bagamoyo (TaSUBa) kwenye uzinduzi wa Tamasha la urithi lililofanyika mwishoni mwa wiki jijini Dodoma.

Mama Samia ambaye ndiye alikuwa mgeni rasmi, katika hotuba yake ya ufunguzi alisema kuwa amefurahishwa na ujumbe wa igizo  hilo lililohamasisha umuhimu wa shirikiano maana huo ndio urithi wetu watanzania.

Nae mtunzi na mongozaji wa igizo hilo Mwalimu Haji Maeda alisema kuwa wameamua kutumia uhusika wa mti na viungo vyake ili konyesha namna watanzania tunatakiwa kuishi kwa kushirikiana kwa ajili ya maendeleo yetu na taifa kwa ujumla.

Igizo hilo la Bagamoyo players lilikuwa linaelezea maswahibu ya mti katika farakano ambapo viungo vya mti vinafarakana na kutengana kila kimoja peke yake ambapo  shina,mzizi,matawi matunda na majani  vinatengana lakini baadaye vinakuja kuona hakuna kiungo kinachoweza kusimama peke yake hivyo vinaungana tena na kurudisha  uhai wa mti.