Balozi wa Japan atembelea TaSUBa

Posted on: March 15th, 2019

Balozi wa Japan nchini Tanzania Mh.Shinishi Goto ametembelea Taasisi ya Sanaa na Utamaduni Bagamoyo (TaSUBa) lengo ikiwa ni kujionea shughuli mbali mbali zinazofanywa na Taasisi hiyo ambayo ni kituo chenye ubora uliotukuka Afrika mashariki, katika utoaji wa Mafunzo ya Sanaa na Utamaduni.

Akizungumza katika ziara hiyo Balozi shinishi alisema kuwa lengo la ziara yake ni kuendelea kudumisha na kuimarisha mahusiano mazuri yaliyopo kati ya TaSUBa na nchi ya Japan.

Akiwa TaSUBa Balozi Shinishi ameona shughuli mbalimbali zinazofanywa na Taasisi  na namna mafunzo yanavyotolewa pamoja na vifaa mbalimbali vinavyotumiwa na Taasisi katika kutoa mafunzo,lakini pia alipata nafasi ya kuangalia onyesho maalumu la Ngoma na Muziki wa asili lililofanywa na wanachuo pamoja na Wakufunzi wa TaSUBa.

Naye Mkuu wa Chuo wa TaSUBa Dkt.Herbert Makoye alimshukuru Balozi Shinishi Goto kwa kutembelea TaSUBa , lakini pia alimkaribisha kuhudhuria Tamasha la Kimataifa la Sanaa na Utamaduni Bagamoyo litakalofanyika Mwezi Oktoba mwaka huu.